Kreditin məbləği 30 000 (otuz min) manatdan az olmamalı;

Bir borcalana bütün müvəkkil banklar üzrə zəmanət verilən cəmi kreditlərin məbləği 5 milyon, bir-biri ilə əlaqədar borcalanlar qrupuna 10 milyon manatdan çox olmamalı;

Kreditin müddəti 7 (yeddi) ildən çox olmamalı;

Kredit xəttinin müddəti 12 (on iki) aydan artıq olmamalı;

Faiz subsidiyası illik faiz dərəcəsi 20 faizdən çox olmayan kreditlər üçün verilir;

Azərbaycan Respublikasının işğaldan azad edilmiş ərazilərində yaşayış sahələrinin tikintisi məqsədilə dövriyyə vəsaitlərinin maliyyələşdirilməsi üçün alınmış kreditlər istisna olmaqla, dövriyyə vəsaitlərinin maliyyələşdirilməsi məqsədilə alınmış kreditlərin müddəti 2 (iki) ildən artıq olmamalı;

Bir borcalan üzrə bir zəmanətin aşağı həddi 15 000 (on beş min) manat, bütün zəmanətlərin yuxarı həddi isə 3 000 000 (üç milyon) manat məbləğində olmalı; 

Bir-biri ilə əlaqədar borcalanlar qrupu üzrə veriləcək zəmanətlərin məbləği 6 000 000 (altı milyon) manatdan çox olmamalı; 

Zəmanət kreditin yalnız əsas borcu üzrə verilməli;

Bir kredit üzrə zəmanətin kreditə nisbəti 15%-dən az, 90%-dən çox olmamalı.

Zəmanət qeyri-neft sektorunda fəaliyyət göstərən və Azərbaycan Respublikası ərazisində sahibkarlıq fəaliyyətinin maliyyələşdirilməsi məqsədilə müvəkkil banka kredit sifarişi ilə müraciət edən sahibkarın öhdəlikləri üzrə verilir.

borcalan zəmanət üçün müraciət edən müvəkkil banka aidiyyəti şəxs olduqda;

kredit hesabatına əsasən, borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 30 (otuz) gündən artıq (borcalanın zamin durduğu öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcu olduqda;

kredit hesabatına əsasən, borcalan hüquqi şəxsin nizamnamə kapitalında 25 faiz və daha artıq payı olan fiziki və (və ya) hüquqi şəxslərin borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 30 (otuz) gündən artıq (onların zamin durduqları öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcları olduqda;

kredit hesabatına əsasən, borcalanın kredit öhdəliyi üzrə zamin qismində çıxış edən fiziki və (və ya) hüquqi şəxslərin borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 30 (otuz) gündən artıq (onların zamin durduqları öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcları olduqda;

borcalanın bank hesabları üzərində məhkəmənin qərarı ilə, habelə qanunla müəyyənləşdirilmiş və ya bankla borcalan arasında müqavilədə nəzərdə tutulmuş hallarda pul vəsaitinin silinməsinə dair müvafiq sərəncam olduqda;

zəmanət verilməsi üçün müraciət olunan kredit borcalanın digər kredit öhdəliklərinin yenidən maliyyələşdirilməsi (mövcud borc öhdəliyinin yeni borc öhdəliyi ilə əvəzləşdirilərək rəsmiləşdirilməsi) üçün alındıqda;

borcalanın nizamnamə kapitalında dövlətin iştirak payı 50 faizdən çox olduqda;

borcalan mərc oyunları fəaliyyəti ilə məşğul olan sahibkar olduqda.

Portfel zəmanəti üzrə kredit portfelinə daxil olan kreditin məbləği 5 000 (beş min) manatdan az və 50 000 (əlli min) manatdan çox olmamalı;

Kreditin illik faiz dərəcəsi 25 faizdən yüksək olmamalı;

Kreditin müddəti 3 (üç) aydan az və 3 (üç) ildən çox olmamalı;

Bir borcalanın bütün müvəkkil banklar üzrə portfel zəmanəti verilən cəmi kreditlərinin məbləği 250 000 (iki yüz əlli min) manatdan çox olmamalı;

Hər bir kredit portfelinə daxil olan kredit üzrə zəmanət məbləğinin həmin kredit üzrə əsas borc qalığına nisbəti 75 faiz təşkil etməlidir;

Kredit üzrə güzəşt müddəti 12 (on iki) aydan artıq olmamalıdır.

Portfel zəmanəti Azərbaycan Respublikası ərazisində sahibkarlıq fəaliyyətinin maliyyələşdirilməsi məqsədilə müvəkkil banka kredit sifarişi ilə müraciət edən mikro və ya kiçik sahibkarların öhdəlikləri üzrə verilir.

Azərbaycan Respublikasında vergilərə və digər icbari ödənişlərə dair vaxtı keçmiş öhdəliklərin mövcud olmamasına dair müvafiq sənəd;

Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı (qanunvericiliklə tələb olunduqda);

Özü, habelə hüquqi şəxs olduqda, nizamnamə kapitalında 25 faiz və daha artıq payı olan fiziki və (və ya) hüquqi şəxslər, fiziki şəxs olduqda isə, yaxın qohumları və ya birgə təsərrüfat aparan ailə üzvləri müvəkkil banka aidiyyəti şəxs olmamalı;

Kredit hesabatına əsasən, kredit öhdəlikləri üzrə 60 (altmış) gündən artıq gecikməsi olmamalı və ya son 1 (bir) il ərzində qeyri-işlək kredit statusu almış kredit borcu olmamalı;

Kredit hesabatına əsasən, sahibkar hüquqi şəxsin nizamnamə kapitalında 25 faiz və daha artıq payı olan fiziki və (və ya) hüquqi şəxslərin kredit öhdəlikləri üzrə 60 (altmış) gündən artıq gecikməsi olmamalı və ya son 1 (bir) il ərzində qeyri-işlək kredit statusu almış kredit borcları olmamalı.

Zəmanət istiqrazların məcmu nominalının qalıq dəyəri üzrə verilir. İstiqrazlar nominaldan aşağı qiymətlə yerləşdirildiyi (diskontla) halda, zəmanət istiqrazların ilkin yerləşdirmə qiymətinə (diskontlu qiymətinə) uyğun hesablanır;

Zəmanət verilən bir emissiya prospekti üzrə istiqrazların məcmu nominal dəyəri 300 000 (üç yüz min) manatdan az olmamalı;

Bir emitentin bütün emissiya prospektləri üzrə zəmanət verilən istiqrazlarının məcmu nominal dəyəri ilə həmin emitentin daxil olduğu bir-biri ilə əlaqədar borcalanlar qrupunun Fondun zəmanət mexanizmləri üzrə zəmanət verilən kreditlərinin məbləğinin cəmi 10 000 000 (on milyon) manatdan çox olmamalı;

İstiqrazlar üzrə tədavül müddəti isə 7 (yeddi) ildən çox olmamalı;

Fond tərəfindən verilən zəmanətin şərtləri, habelə istiqraz mülkiyyətçilərinə dair qiymətli kağızlar üzrə depozitar sistemindəki məlumatların Fonda ötürülməsi barədə xəbərdarlıq emissiya prospektində əks olunmalıdır;

Bir emissiya prospekti üzrə zəmanətin yerləşdirilmiş istiqrazların məcmu nominalının və ya nominaldan aşağı qiymətlə yerləşdirildiyi (diskontla) halda onların ilkin yerləşdirmə qiymətinin (diskontlu qiymətinin) qalıq dəyərinə nisbəti 15%-dən az və 60%-dən çox olmamalıdır.

Qeyri-neft sektorunda fəaliyyət göstərməli;

Azərbaycan Respublikasında vergilərə və digər icbari ödənişlərə dair vaxtı keçmiş öhdəliklərinin, habelə son 1 (bir) il ərzində (fəaliyyətini dayandırdığı müddət nəzərə alınmadan) vergi ödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi halları mövcud olmamalı;

Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı (qanunvericiliklə tələb olunduqda);

Azərbaycan Respublikasının Mülki Məcəlləsinə uyğun olaraq Fonda və müvəkkil investisiya şirkətinə aidiyyəti şəxs olmamalı;

Kredit hesabatına əsasən, kredit öhdəlikləri üzrə 60 (altmış) gündən artıq gecikməsi və ya son 1 (bir) il ərzində qeyri-işlək kredit statusu almış kredit borcu olmamalı;

Kredit hesabatına əsasən, nizamnamə kapitalında 25% və daha artıq payı olan fiziki və (və ya) hüquqi şəxslərin kredit öhdəlikləri üzrə 60 (altmış) gündən artıq gecikməsi və ya son 1 (bir) il ərzində qeyri-işlək kredit statusu almış kredit borcları olmamalı;

Kredit hesabatına əsasən, emitentin kredit öhdəliyi üzrə zamin qismində çıxış edən fiziki və (və ya) hüquqi şəxslərin kredit öhdəlikləri üzrə 60 (altmış) gündən artıq gecikməsi və ya son bir il ərzində qeyri-işlək kredit statusu almış kredit borcları olmamalı;

Özünün, habelə nizamnamə kapitalında 25% və daha artıq payı olan hüquqi şəxslərin emissiya etdiyi istiqrazlar üzrə 60 (altmış) gündən artıq gecikməsi olmamalı;

Emitentin bank hesabları üzərində pul vəsaitinin silinməsinə dair hazırda müvafiq sərəncam olmamalıdır;

İstiqrazlar vasitəsilə cəlb olunacaq vəsait emitentin digər öhdəliklərinin yenidən maliyyələşdirilməsi (mövcud borc öhdəliyinin yeni borc öhdəliyi ilə əvəzləşdirilərək rəsmiləşdirilməsi) üçün alınmamalı;

Nizamnamə kapitalında dövlətin iştirak payı 50%-dən çox olmamalı;

Mərc oyunları fəaliyyəti ilə məşğul olan sahibkar olmamalı.