10.03.2017

"Azərbaycan İpoteka Fondu"nun 50 mln. manatlıq ipoteka istiqrazlarının son tranşı yerləşdirilib

10 mart 2017-ci il tarixində Bakı Fond Birjasında "Azərbaycan İpoteka Fondu" ASC-nin ümumi həcmi 50 mln. manat təşkil edən adlı, sənədsiz, faizli ipoteka istiqrazlarının son 20 mln. manatlıq hissəsinin yerləşdirilməsi üzrə hərrac keçirilib. İstiqrazlar cari qiymətlə satışa çıxarılıb. Hərraca çıxarılmış həcm tam yerləşdirilib.

Bununla da 21 noyabr 2016-cı il tarixində Maliyyə Bazarlarına Nəzarət Palatası tərəfindən dövlət qeydiyyatına alınmış, ümumi həcmi 50 mln. manat olan ilk ipoteka istiqrazlarının yerləşdirilməsi başa çatıb.