08.06.2007

Azərbaycan Respublikası və Latviya Respublikası arasında iqtisadi, elmi-texniki və mədəni əməkdaşlıq

Azərbaycan Respublikası və Latviya Respublikası arasında iqtisadi, elmi-texniki və mədəni əməkdaşlıq üzrə Hökumətlərarası Komissiyanın Bakıda keçirilmiş 1-ci iclası zamanı Azərbaycan və Latviya bank sistemləri arasında əlaqələrin möhkəmləndirilməsinin və genişləndirilməsinin vacibliyi vurğulanmış,  bu əməkdaşlıq çərçivəsində birgə ipoteka forumunun keçirilməsi təşəbbüsü irəli sürülmüşdür. 08.06.07-çi il tarixdə  ipoteka kreditləşməsi sahəsində Latviya bazar iştirakçılarının zəngin təcrübəsini öyrənmək və eyni zamanda ölkəmizdə formalaşan ipoteka bazarı haqqında qarşı tərəfə məlumat vermək məqsədi ilə Azərbaycan – Latviya birgə İpoteka forumu keçirilmişdir.

Tədbiri giriş sözü ilə açan  E.Rüstəmov forum iştirakçılarını  salamlayaraq Azərbaycanda ipoteka sahəsi üzrə son məlumatla  və rəqəmləri işıqlandırdı. Daha sonra  Latviya  nümayyəndəliyinin  üzvləri çıxış edərək bu sahədə ölkələrində ki durum haqqında ətraflı məlumat verdilər.

Azərbaycan İpoteka Fondunun icraçı direktoru Faiq Məmmədov “İpoteka kreditləri sisteminin Azərbaycan Respublikasında tədbiqi” mövzusunda təqdimat mərasimi keçirməklə, Azərbaycanda ipoteka kreditləşməsi sisteminin formalaşmasının mərhələləri, şərtləri, yaşayış sahəsinin yaxşılaşdırılması zəmində  ipoteka kreditləşməsi sisteminin üstünlükləri və bu müddət ərzində əldə olunan nəticələr haqqında ətraflı məlumat verdi.

Daha sonra ipoteka kreditləşməsi sistemində iştirak edən  müvəkkil kredit təşkilatlarını, sığorta və qiymətləndiriçi şirkətlərinin nümayyəndələri çıxış etmiş və tədbir iştirakçılarının  çoxsaylı suallarını cavablandırmışdırlar.