Azərbaycan İpoteka Fondunun Mətbuat xidməti bildirir ki, artıq ölkədə ipoteka kreditləşməsinin bərpasından keçən iki ay ərzində müvəkkil kredit təşkilatları tərəfindən adi ipoteka krediti almaq üçün 1200-dən artıq, güzəştli ipoteka krediti almaq üçün isə 150-yə yaxın vətəndaşın rəsmi müraciət ərizələri qəbul edilmişdir. Daxil olmuş müraciətlər üzrə kredit məbləğlərinin ümumi həcmi 51 mln.manatdan çoxdur. Qeyd etmək lazımdır ki, bu məbləğin 5 mln.manata yaxını güzəştli ipoteka krediti almaq istəyən vətəndaşların müraciətləridir.

Bu müddət ərzindən müraciət edən vətəndaşların 400-dən çoxu  artıq ipoteka kreditlərindən faydalanmışdır. Verilmiş kreditlərin ümumi həcmi isə 17 mln.manatdan artıq olmuşdur. Yalnız iyul ayı ərzində verilmiş ipoteka kreditlərinin həcmi 16 mln.manatı keçmişdir.