Azərbaycan İpoteka Fondunun təmin edilmiş istiqrazlarının növbəti yerləşdirilməsi baş tutmuşdur
14 iyul 2009-cu il tarixində Bakı Fond Birjasında Azərbaycan İpoteka Fondunun AZ200100868 dövlət qeydiyyat nömrəli təmin edilmiş istiqrazlarınınnövbəti 5 mln. manatlıq hissəsinin yerləşdirilməsi üzrə hərrac keçirilmişdir. İstiqrazlar cari qiymətlə satışa çıxarılmışdır.
Hərracda 4 investor iştirak etmişdir. Sifarişlərin nominal üzrə ümumi məbləği hərraca təklif olunan həcmi 3 dəfədən çox üstələyərək 15 973 000 manat təşkil etmişdir və nəticədə hərraca çıxarılmış həcm (5 mln. manat) tam yerləşdirilmişdir. Bu istiqrazların ilk yerləşdirilməsi 16 iyun 2009-cu il tarixində baş tutmuşdur və hərracda 15 000 000 manat həcmində istiqraz yerləşdirilmişdir.
Beləliklə, dövriyyəyə buraxılmış təmin edilmiş istiqrazların həcmi 20 mln.manata çatmışdır.
Hörmətli borcalan!
Bildiyiniz kimi, Kredit müqaviləsinə əsasən standart aylıq ödənişlər (annuitet) hər ayın 1-5 tarixlərində icra olunur. Siz annuitet ödənişləri ödədikdən sonra cari ayın son gününə kimi aparacağınız əlavə ödənişlər artıq ödəniş kimi qəbul olunacaq. Diqqətinizə çatdırırıq ki, ödədiyiniz artıq ödəniş sizi növbəti ayın annuitet ödənişindən azad etmir.
