Azərbaycan İpoteka Fondunun mətbuat xidmətinin məlumatı
Cari ilin dövlət büdcəsində ipoteka kreditlərinin maliyyələşdirilməsi üçün nəzərdə tutulmuş 34 mln. manatdan 22 mln. manat həcmində vəsait Azərbaycan Respublikası Maliyyə Nazirliyi tərəfindən Azərbaycan İpoteka Fondunun büdcəsinə köcürülüb.
Ayrılan vəsait ötən illər ərzində müvəkkil kredit təşkilatları tərəfindən verilmiş ipoteka kreditlərinin yenidənmaliyyələşdirilməsinə yönəldilmişdir.
Hörmətli borcalan!
Bildiyiniz kimi, Kredit müqaviləsinə əsasən standart aylıq ödənişlər (annuitet) hər ayın 1-5 tarixlərində icra olunur. Siz annuitet ödənişləri ödədikdən sonra cari ayın son gününə kimi aparacağınız əlavə ödənişlər artıq ödəniş kimi qəbul olunacaq. Diqqətinizə çatdırırıq ki, ödədiyiniz artıq ödəniş sizi növbəti ayın annuitet ödənişindən azad etmir.
