24.05.2013

Azərbaycan Respublikasının Mərkəzi Bankı nəzdində Azərbaycan İpoteka Fondu aşağıdakı SATINALMANI elan edir

Azərbaycan İpoteka Fondunda İnformasiya təhlükəsizliyi sahəsində konsaltinq xidmətlərinin satın alınması ilə bağlı təkliflər sorğusu.
Konsaltinq xidmətləri aşağıdakı sahələri əhatə edəcəkdir:
-    Daxili şəbəkə və telekomunikasiya üzrə konsaltinq işləri;
-    Server infrastrukturu üzrə konsaltinq işləri;
-    İSO 27001 İnformasiya təhlükəsizliyi standartlarının tətbiqinə dair tövsiyələr və normativ
sənədlərin hazırlanması.
Satınalmada iştirak haqqı 100 AZN-dir. İştirak haqqı Azərbaycan İpoteka Fondunun aşağıdakı hesabına köçürülməlidir:
м/h AZ57NABZ01360450000000005944, коd 210016, VÖEN – 1400729041, S.W.I.F.T BİK AZMFAZ22XXX
Satınalmada iştirak edən iddiaçı özü haqda aşağıdakı məlumatları təqdim etməlidir:
1.    Satınalmada iştirak etmək üçün ərizə;
2.    İştirak haqqının ödənilməsini təsdiq edən bank sənədi;
3.    Hüquqi statusu və dövlət qeydiyyatını təsdiq edən sənədlərin surətləri (nizamnamə və dövlət qeydiyyat şəhadətnaməsi), ƏDV qeydiyyatının olub-olmamasını müəyyən etməyə imkan verən sənədlərin surətləri, VÖEN, bank rekvizitləri;
4.    Təklifi və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd (vəzifəyə təyin edilməsi barədə əmr);
5.    İddiaçının bu sahədə xidmət göstərdiyi korporativ müştəriləri haqqında məlumat – iddiaçının informasiya texnologiyaları, informasiya texnologiyaları üzrə konsaltinq xidməti və ya informasiya təhlükəsizliyi sahəsində ən azı 3 il təcrübəsi olmalıdır;
6.    İddiaçının fəaliyyətinin axırıncı ili üzrə maliyyə vəziyyəti haqqında bank arayışı;
7.    Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafıq dövlət orqanından arayış;
8.    Təkliflər sorğusunun Əsas şərtlər toplusunda tələb olunan digər sənədlər və məlumatlar.
İddiaçıların təqdim edəcəyi xidmətlərin keyfiyyətini təsdiqləyən hər hansı digər məlumatlar da əlavə edilə bilər.
Satınalma üzrə əsas şərtlər toplusunu, iştirak haqqının ödənilməsi təsdiq edən sənədi (qəbz) təqdim etməklə əlaqələndirici şəxsdən almaq mümkündür.
Satınalma üzrə möhürlənmiş və imzalanmış təklif zərfləri 11 iyun 2013-cü il saat 18.00-dək, bütün digər tələb olunan sənədlər isə 20 iyun 2013-cü il saat 18.00-dək Azərbaycan İpoteka Fondunun Bakı şəhəri, Bül-bül prospekti 40 ünvanında yerləşən inzibati binasında mühafizə polisi tərəfindən qəbul ediləcəkdir. Göstərilən vaxtdan gec təqdim olunmuş zərflər açılmadan geri qaytarılacaqdır. Məsələ üzrə zərflər 21 iyun 2013-cü il saat 15.00–da Azərbaycan İpoteka Fondunun inzibati binasında açılacaqdır. İddiaçılar ən azı 1 gün əvvəl səlahiyyətli nümayəndəsinin adını yazılı surətdə Satınalmalar komissiyasına bildirməklə zərflərin açılmasında iştirak etməyə dəvət olunurlar. Bu zaman həmin şəxs səlahiyyətlərini təsdiq edən müvafiq sənəd və ya vəkalətnamə təqdim etməlidir.
Məsələlərlə bağlı əlavə məlumat almaq üçün 441-24-23 nömrəli telefona zəng etməklə əlaqələndirici şəxs Mətin Hacıyevlə (daxili nömrə 133) müraciət etmək olar.