31.01.2013

Azərbaycan İpoteka Fondunun təmin edilmiş istiqrazlarının 40 mln. manatlıq emissiyasının növbəti tranşının yerləşdirilməsi

       04 fevral 2013-cü il tarixində BFB-də Azərbaycan İpoteka Fondunun faizli, adlı, sənədsiz, təmin edilmiş istiqrazlarının növbəti yerləşdirilməsi həyata keçiriləcək və hərraca 3 000 000 AZN həcmində istiqraz çıxarılacaq. İstiqrazlar 100,3167 qiyməti ilə satışa çıxarılacaqdır. İstiqrazları əldə etmək istəyən şəxslər “Bakı Fond Birjası” QSC-nin üzvü olan və broker lisenziyasına malik olan təşkilatlara müraciət edə bilərlər.
       İstiqrazların ödənmə tarixi – 06 noyabr 2022-ci ildir. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcəkdir. İstiqrazların ilkin yerləşdirilməsində iştirak edən təşkilat: Azərbaycan Respublikası Mərkəzi Bankı.
       Qeyd edək ki, Qiymətli Kağızlar üzrə Dövlət Komitəsi tərəfindən Azərbaycan İpoteka Fondunun faizli, adlı, sənədsiz istiqrazlarının emissiya prospekti 21 dekabr 2012-ci il tarixində qeydə alınmışdır. Emissiyanın ümumi həcmi 40 000 000 AZN təşkil edir, bir istiqrazın nominal dəyəri 1 000 AZN, istiqraz üzrə faiz dərəcəsi 3% təşkil edir.
       Emissiya prospektinə əsasən, yerləşdirmə kütləvi təklif üsulu ilə “Bakı Fond Birjası” QSC vasitəsi ilə keçiriləcək. Depozitari və Sərəncamçı xidmətləri Milli Depozit Mərkəzi tərəfindən göstəriləcək.
       Bildiririk ki, bu istiqrazların yerləşdirilməsinə 28 dekabr 2012-ci il tarixində başlanılmışdır və hərraca bu günədək 11 000 000 AZN həcmində istiqraz yerləşdirilmişdir.