Azərbaycan İpoteka Fondunun Mətbuat Xidməti bildirir ki, Azərbaycan İpoteka Fondunun AZ200200868 dövlət qeydiyyat nömrəli istiqrazları üzrə 02 avqust 2010-cu il tarixində (ödəniş günü 31 iyul 2010-cu il tarixi qeyri-iş gününə təsadüf etdiyindən, əməliyyat növbəti günə keçirilmişdir) ilk faiz ödənişi həyata keçirilmişdir.
Bu istiqrazların emissiya prospekti Qiymətli Kağızlar üzrə Dövlət Komitəsi tərəfindən 30 dekabr 2009-cu il tarixində qeydə alınmışdır. Emissiyanın ümumi həcmi 75 000 000 AZN təşkil edir, bir istiqrazın nominal dəyəri 1 000 AZN, istiqraz üzrə faiz dərəcəsi 3.25% təşkil edir. İstiqrazların ödənmə tarixi – 11 dekabr 2019-cu ildir. Bu istiqrazların yerləşdirilməsinə 01 fevral 2010-cu il tarixində başlanılmışdır və bu günədək 49 000 000 AZN həcmində istiqraz yerləşdirilmişdir.
