Azərbaycan İpoteka Fondunun Mətbuat Xidmətinin məlumatı
Azərbaycan İpoteka Fondunun Mətbuat xidməti bildirir ki, 1 iyun 2009-cu il tarixindən ölkədə ipoteka kreditləşməsinin bərpa olunmasından 01 noyabr 2009-cu il tarixinədək 1400 nəfərə yaxın vətəndaşa ümumi həcmi 59 mln. manat təşkil edən ipoteka krediti verilmişdir.
2009-cu ilin oktyabr ayında 12 mln. manat məbləğində ipoteka krediti verilmiş, 300-ə yaxın ailə öz yaşayış-mənzil şəraitini yaxşılaşdırmışdır.
Beləliklə, 2006-cı ilin mart ayından başlayaraq Azərbaycan Respublikası Mərkəzi Bankı nəzdində Azərbaycan İpoteka Fondunun xətti ilə verilən ipoteka kreditlərinin ümumi həcmi 134 mln.manatı keçmişdir. Nəticədə 3400-ə yaxın ailə ipoteka kreditləri hesabına öz yaşayış-mənzil şəraitinin yaxşılaşdırılmasına və sosial ehtiyaclarının ödənilməsinə nail olmuşdur.
Hörmətli borcalan!
Bildiyiniz kimi, Kredit müqaviləsinə əsasən standart aylıq ödənişlər (annuitet) hər ayın 1-5 tarixlərində icra olunur. Siz annuitet ödənişləri ödədikdən sonra cari ayın son gününə kimi aparacağınız əlavə ödənişlər artıq ödəniş kimi qəbul olunacaq. Diqqətinizə çatdırırıq ki, ödədiyiniz artıq ödəniş sizi növbəti ayın annuitet ödənişindən azad etmir.
