Hörmətli İKZF əməkdaşları,

İlk öncə nümunəvi və peşəkar xidmət,diqqət və müştəriyə olan qayğınıza görə hər birinizə minnətdarlığımı bildirmək istəyirəm. Fondun təklif etdiyi Xətai rayonu, Gəncə prospekti ünvanında yerləşən kirayə mənzil layihəsindən 2 otaqlı mənzil üçün müraciət etdim. Fondun əməkdaşlarının göstərdiyi çevik və operativ xidməti əsasında çox qısa zamanda mənzil sahibi oldum. İstər layihə barədə məlumatlandırma, yaranan suallara qısa müddətdə cavablandırma, sənədlərin qısa müddətdə təqdim edilməsi prosesi, mənzil seçimindən sonra sənədlərin qeydiyyata alınması, dərhal sonra mənzilin təhvili prosesi, açarların təqdim edilməsi prosesi çox uğurla və qısa zamanda həll edildi. Bu isə İKZF əməkdaşlarının, xüsusi ilə də kirayə mənzil layihəsi üzrə çalışan əməkdaşların necə uğurlu,peşəkar bir iş qrafikində çalışmaqlarının göstrəcisidir.

Gənc yaşda məni və mənim kimi bir çox gənci bu layihə sayəsində mənzil sahibi etməyiniz bizi çox sevindirir.

Göstərdiyiniz qüsursuz və mükəmməl xidmətinizə görə hər birinizə dərin hörmət və təşəkkürümü bildirirəm. Hər birinizə bu çətin fəaliyyətinizdə uğurlar arzu edirəm!

Hörmətlə,
Asiman Süleymanlı Cahid qızı

İpoteka Kredit və Zəmanət Fondunun yeni layihəsi olan kirayə mənzillərdən sərfəli şərtlərlə yoldaşımın adına (Salmanova Fidan Hafis qızı) ev əldə elədim. Aldığım mənzil Xətai rayonunda yerləşən Xətai Park yaşayış kompleksində yerləşir. Mənzil əla təmirli təhvil verildi və Fondun əməkdaşlarının hər bir məsələdə xüsusi diqqət və qayğıları bir vətəndaş olaraq məni sevindirdi. Fondun bu məsələdə əziyyəti keçən hər bir əməkdaşına öz təşəkkürümü bildirirəm.

Hörmətlə,
Rasim Salmanov

Məlumat üçün bildirmək istərdim ki, İpoteka və Kredit Zəmanət Fondun kirayə mənzil layihəsi ilə Bakı şəhəri, Binəqədi rayonu, Adil Məmmədov küçəsindən mənzil əldə etmişəm. Qeyd edilən mənzilin əldə edilməsi üçün təqdim edilən elektron kabinet, kabinetin funksionallığı, mənzillə bağlı məlumatları tam əhatə etməsi, müraciətin statusu barədə real vaxt rejimində olan bildirişlər və s. elektron xidmətlərin keyfiyyətindən məmnun olduğumu bildirmək istərdim. Əlavə olaraq, müraciət zamanaı sənədlərin qəbulu prosossesi, müraciət üzrə qərarın qısa vaxt ərzində verilməsi Fondun vətəndaşların razılığına da önəm verdiyinin bariz göstəricisi kimi dəyərləndirə bilərdim.

Fondun təqdim etdiyi layihənin sərfəli olmağı, şərtlərin asanlığı və binanın keyfiyyətini barədə eyni ünvanda kirayə mənzil əldə edən dostumdan məlumat almışam və ona da öz təşəkkürümü bildiriəm.

Hörmətlə,
Azər Mustafayev